*اولا : الحجات اللي هنحتجها :-
1- كرتونه
2- نشارة خشب " خشنه "
3- طبق صغير
4- معلقه صغيره
5- سرنجه
6- ماء دافيء
7- سريلاك
*ثانيا : مدة اطعام الطائر يدويا :-
- يفضل نبتدي و عمر الطائر 3 اسابيع
*ثالثا : المكان :-
- هنفرش الكرتونه بنشارة خشب " خشنه " و بلاش " الناعمه " عشان ممكن تتدخل في عين الطائر لا قدر الله
- لازم ناخد بلنا من حرارة المكان اللي هنسيب في الطائر تكون معتدلة عشان زي محنا عارفين ان البرد العدو الاول لطيورنا
*رابعا : طريقة اعداد الطعام :-
- نحط شوية ماء دافيء في الطبق
- وبعدين نحط عليه السريلاك
- ونقلب بالمعلقة لحد ما الخلطة تبدي تمسك شويه
- و شويه شويه نبتدي نزود في لزوجة الخلطة كل مالطائر يكبر شويه
*خامسا : طريقة اطعام الطائر يدويا :-
- مسك الطائر بأحكام كما هو موضح في الصورة
- نسحب الطعام بالسرنجه
- نحط فتحة السرنجة على الناحيه الشمال من فم الطائر
- ندفع الطعام ناحية اليمين" بحذر "
- ونخلي بلنا كويس عشان لو حصل خطأ و دفعنا ناحية الشمال ممكن الاكل يدخل في "القصبه الهوائية" و يموت الطائر بالاختناق لا قدر الله
< "القصبه الهوائية" المشار اليها في الصورة بـ "Trachea" >
- لازم ناخد بلنا اننا منملاش "حوصلة" الطائر وممكن نعرف بمجرد النظر لان "حوصلة" الطائر بتكون شفافة
- يفضل لما نيجي نأكل الطائر تكون الحوصلة فضيت عشان الطعام ميتركمش في معدة الطائر و يمرض لا قدر الله
- بعد الانتهاء من تأكيل الطائر نقوم بتنظيف فم الطائر بالمناديل بعد منبلها بماء دافيء
[ و الخطوة دي مهمة عشان لو سبنا الاكل هيلزق و مش هينفع يتشال بعد كده ]
* ارجو ان اكون شرحت الموضوع بطريقة سهله و مبسطه وانا تحت امركم في اي استفسار
وبالتوفيق ان شاء الله ...